Fontanne-Pintli Restaurant
in Fontannen b. Wolhusen

Unser Motto: Gluschtig - Regional - Saisonal

Im Johr 1938 hett d'Familie Weibel-Meier s'Pintli vode Familie Hofer chönne choufe, ond die jongi Familie mett vier Chind esch vo nun a i de Fontanne deheime gseh. Ned nor s'Usschankrächt esch im Pintli zom Zog cho, sondern es chlieses Chrämerlädeli mett ere Buurerei hett dezue ghört.

Im Ondergschoss esch denn zumou ouno s'Poscht-Büro betriebe worde. I de fougende Johr esch das Pintli aus Familie-Betrieb bekannt worde. S'Jöngschte vodene vier Sprösslinge hett scho früeh grosses Inträsse am elterliche Betrieb zeigt, ond so hett sech d'Martha Weibel Jun. dezue entschlosse, nacheme Welschjohr-Ufenthaut deheime ie z'stiege.

De Walter Weibel hett nach einige Körs bede Poscht do deheime s'Büro ond de Zuestell-Dienst öberno. De Ruedi ond de Hermann Weibel send deheime zor Hand gange, wenn`s Not am Mann gseh esch. Im Johr 1961 hend's die tolli Idee gha, s'Poulet im Chörbli is Angebot z'nä, was öber Johrzähnti de Renner gseh esch ond ou hött no öber d'Kantonsgränze us bekannt esch.

Im Johr 1972 hend sech do d'Martha ond de Sigu Studer dezue entschlosse, Neu z'boue ond zwar grad näbem Aute Pintli, ond so esch do die zwöti Generation am Rueder gseh. Im November 1972 esch s'Neue Pintli eröffnet worde.

Im Louf vode Zyt hend sie mett vöu Gschick, Elan, Arbet ond mett Liebi zom Detail das Neue Pintli zomene guetbörgerliche Restaurant för Jedermann/Frau bekannt gmacht.

Im Johr 2000

Im Johr 2000 hanech mech do nach minere Lehrzyt aus Servicefachagschtellti, Koch ond de Wirtefachschuel entschede, de elterlichi Betrieb z'öbernä ond natürlech ou mis Beschte z'gä. So benech jetz scho die dretti Generation.

Es send jetz einezwänzg  Johr vergange, ond ech cha ofne schöni ond gueti Zyt zrogg luege.

Im 2021(CORONA) hemmer weder es bewegends Johr, womer vom Pintli-Team secher e paar Oeberraschige för üsi neue ond ou treue Gäscht parat hend. S'wird jede Monet öppis anders si, ond mer freue üs jetz scho druf, die verschedene Events mett euch chönne z'erläbe. I dem Sinn wett ech mech för d'Treui zo mer ond zom Pintli bedanke ond hoffe, ofnes WEDER-LUEGE be üs im Fontanne-Pintli

Familietradition sett 80Johr

Tradition und Genuss seit 80 Jahren

Im Herzen der Fontannen, inmitten idyllischer Natur, befindet sich das Fontanne-Pintli Restaurant. Seit 1938 ist es ein Ort der Begegnung und des Genusses, wo Gastfreundschaft und Tradition grossgeschrieben werden.

Die gutbürgerliche Küche mit saisonalen und regionalen Zutaten ist das Herzstück des Fontanne-Pintli Restaurants. Das berühmte "Poulet im Chörbli", das seit Jahrzehnten über die Kantonsgrenzen hinaus bekannt ist, gehört nach wie vor zu den Rennern auf der Speisekarte.

Das Fontanne-Pintli Restaurant ist mehr als nur ein Ort zum Essen. Es ist ein Ort zum Wohlfühlen, Genießen und Zusammensein. Die herzliche Gastfreundschaft der Familie Studer und ihres Teams trägt dazu bei, dass sich jeder Gast willkommen und gut aufgehoben fühlt.

Zahlreiche Stammgäste schätzen die familiäre Atmosphäre und die unverwechselbare Atmosphäre des Restaurants. Das Fontanne-Pintli Restaurant ist ein idealer Ort für gemütliche Abende mit Freunden, Familienfeiern und Geschäftsessen.

Mit innovativen Events und saisonalen Specials sorgt das Restaurant immer wieder für neue Überraschungen. Ob musikalische Unterhaltung, Themenabende oder kulinarische Spezialitätenwochen – im Fontanne-Pintli ist immer etwas los.